Not Chosen

Masakï-Paris-ის ქალის არომატი T-mat; დიზაინერ მასაკი მაცუშიმას ტანსაცმლის ხაზის შთაგონებით, პარფიუმერმა ჟან ჟაკმა შექმნა.

T-mat; ლიმონის და მანდარინის ციტრუსოვანი გაელვებით იშლება და ნათელ, ამაღლებულ განწყობას აფრქვევს. გამხსნელი ნოტების ცინცხალ ნაზავს, დაკეპილი პიტნის გამამხნევებელი სიგრილე და მწიფე მსხლის სიტკბო სრულყოფს; გარშემომყოფებზე, ენერგიულ, მაცოცხლებელ პირველ შთაბეჭდილებას ახდენს და სიმსუბუქისა და მხიარულების ასოციაციებს აღძრავს.

სურნელის განვითარებასთან ერთად, გულში, ფაქიზი ყვავილოვანი თაიგული იფურჩქნება: ხეობის შროშანი, ფრეზია და ყოჩივარდა, ერთმანეთს, ნაზი, ელეგანტური ჰარმონიით ერწყმის და კომპოზიციას სიღრმესა და დახვეწილობას ანიჭებს. საკვანძო ინგრედიენტის როლში, სწორედ, ყოჩივარდა გვევლინება: მისი ნოტები, T-mat;-ის ფემინურ ასპექტებს აძლიერებს და ფაქიზი, დამატყვევებელი ხიბლით ამკობს.

არომატის დასტაბილურებისას, წინა პლანზე, დამამშვიდებელი და მგრძნობიარე საბაზისო ნოტები გამოდიან: ხავერდოვანი კრისტალური მუშკი, კომპოზიციას, ნაზი, ჰაეროვანი შტრიხებით მოსავს; შაქრისებრი გურმანული აკორდის უხვი სიტკბო კი, კანს, ხანგრძლივი დროით მოეფინება. T-mat;-ის ბაზა, გარშემომყოფებს, სიმდიდრისა და მდგრადობის ეფექტით ნუსხავს და ტკბილი სასუსნავებით განცდილი სიამოვნების სადარ წარუშლელ ყნოსვით განცდებს აღუძრავს.