Not Chosen

ფრანგი პარფიუმერების — ენ ფლიპოს, დომინიკ როპიონისა და კაროლინ დიუმურის ხელთ, იდეალური ვარდის ძიებისას, ბრენდის საკულტო ყვავილის თანამედროვე ინტერპრეტაცია იბადება: ვარდი, უკვე 90 წელზე მეტია, რაც Lancôme-ის სახლის მუზა და მარადიული შთაგონებაა; La Vie Est Belle Rose Extraordinaire კი, აყვავებული ვარდის სურნელია!

კომპოზიციაში, მძლავრი ვარდების სამეული ერთიანდება და ყვავილების დედოფლის საერთო პროფილის განსხვავებულ ასპექტებად გვევლინება: მგრძნობიარე ფუფუნების სიმბოლოს — დამასკოს ვარდის აბსოლუტს*, ვარდის წყლის ამაღლებული სიგრილე და კოსმოსური ვარდის** მინერალური სიმსუბუქე ეგებება: ეს უკანასკნელი, ნულოვანი გრავიტაციის პირობებში შესწავლილი ვარდის შთაგონებით შექმნილი პარფიუმერული ინგრედიენტია, რომელიც იდეალურად აღბეჭდავს ამ ყვავილის ყოველგვარ სიწმინდესა და ბრწყინვალებას.

სურნელის გულში, La Vie Est Belle-ის ხაზის განუყოფელ ხელწერას — ყვავილოვან-პუდროვან ზამბახს ვხვდებით: მერქნოვანი ხავსით მოცული ზამბახი, კომპოზიციას, მარადიული ელეგანტურობის ვუალით ამკობს; გურმანული აკორდი კი — ალერსიანი სიტკბოს შტრიხებით ამდიდრებს. შედეგად, ბრენდის ორიგინალი არომატის ყვავილოვანი რეინტერპრეტაცია იბადება, მეტად მსუბუქი, თანამედროვე და მანათობელი შტრიხებით; როგორც ვარდის ყოველი ასპექტის ზეიმი და La Vie Est Belle Rose Extraordinaire-ის მფლობელი ქალებისადმი პატივისცემა. გაფურჩქნილი ვარდის ფორმას იმეორებს მდიდრული, სკულპტურული ფლაკონიც.

შეფუთვის დიზაინზე, განთქმულმა ხელოვანმა — კეტრინ კრუნასმა იმუშავა: მან, La Vie Est Belle-ის საკულტო მომღიმარი მინა, ქალის ხასიათის განსხვავებული ასპექტის სიმბოლოებით — ვარდის ფურცლების შტრიხებით გარდაქმნა და მისივე შთაგონებით, თავსახურის მბრწყინავი, ვერცხლისფერი ყელი, ვარდისფერ-თეთრი გრადაციით შეფერილი ფურცლებით შეამკო, როგორც თანამედროვე ქალურობის სიმბოლო.

*აბსოლუტი: პარფიუმერული ნედლეული, რომელიც მიიღება ნახშირწყალბადის ტიპის ექსტრაქტების ან მცენარეული მასალის ცხიმოვანი ექსტრაქტების ალკოჰოლური ექსტრაქციით

**მიკროგრავიტაციის გარემოში გაზრდილი მინიატურული ვარდის მოლეკულური არომატული პროფილის რეპლიკაციისთვის შექმნილი ქიმიურად რეკონსტრუირებული ნოტი, NASA-ს 1998 წლის ექსპერიმენტის შთაგონებით: ვარდი, ხომალდ Discovery-ში მოათავსეს და კოსმოსში გაგზავნეს, სადაც, ნულოვანი გრავიტაციის პირობებში, მცენარის ორგანული ნაერთები შეიცვალა და სურნელმაც, მომწვანო-გრილიდან, სრულიად განსხვავებული, ჰაეროვანი ხასიათი შეიძინა. დღესდღეობით, მოცემულ სურნელს, ვაკუუმური ექსტრაქციის ტექნოლოგიით იღებენ, რაც კონკრეტული მოლეკულების ანალიზისა და აღბეჭდვის საშუალებას იძლევა; კოსმოსური ვარდის აკორდი კი, სწორედ, ამ კოსმოსური ვარდის ექსტრაქტის მოლეკულურ რეპლიკას წარმოადგენს.