Not Chosen

იაპონური სიტყვა Hanakotoba (花言葉) ყვავილების პოეტური შესატყვისია.

სწორედ მისი შთაგონებით შექმნეს დიზაინერმა მასაკი მაცუშიმამ და პარფიუმერმა ლეონარდო ლუჩეზემ ქალურობის, სილამაზისა და უნიკალურობის აღმნიშვნელი დახვეწილი, თუმცა, საკმაოდ მძაფრი ნოტების დამატყვევებელი ნაზავი.

ლეონარდო ლუშეცე: „ფლაკონზე გამოსახული გაფურჩქნილი ყვავილის შთაგონებით, მსურდა, მსუბუქი, ჰაეროვანი, ფაქიზი კომპოზიცია შემექმნა. ეს არომატი, ზაფხულის მდელოებში გამოგზაურებთ, სადაც, ყვავილების საწოლში მქროლავი სასიამოვნო ნიავი, ბუნების ყველაზე მდიდრული ქმნილებების სურნელებს უბერავს… HäNa, გრაციოზულობით და თავისუფლების სულისკვეთებით აღსავსე, სპონტანური, ელეგანტური ახალგაზრდა ქალის არსს მოიცავს“.

კომპოზიცია ხრაშუნა მსხლის და ტკბილი ლიჩის ნაზავით გამდიდრებული ბერგამოტის და მწვანე ჩაის ცქრიალა ნოტებით იხსნება: ეს გამამხნევებელი კომბინაცია, მყისიერად, სიგრილის შეგრძნებას აღძრავს და განთიადისას, მზის პირველი სხივის გამობრწყინებას მოგაგონებთ. სურნელის განვითარებისას, გულში, ვარდის, ხეობის შროშანის და გლიცინიას ლამაზი თაიგული იფურჩქნება და გარშემომყოფებზე, აყვავებულ ბაღში მონაბერი ნაზი სიოს ასოციაციებით, ჰაეროვან, ელეგანტურ ეფექტს ახდენს. საზამთროს მინიშნებები, კომპოზიციის გულს, მწიფე, გამაგრილებელი შტრიხებით ამკობს და HäNa-ს მსუბუქ, სიცოცხლისუნარიან ხასიათს აძლიერებს.

სურნელის ბაზა, კანის დამატებით შრეს ჰგავს და სითბოსა და სიღრმეს ასხივებს: თეთრი კედარის და სანდალის ხის კომბინაცია, ნაზ, მერქნოვან ნახევატრონებს აყალიბებს, კრისტალური მუშკი კი დამამშვიდებელი, მგრძნობიარე ჩახუტებით მოგიცავთ. საბაზისო ნოტების ჰარმონიული ბალანსი, კომპოზიციას, ხავერდოვანი, გამომწვევი ასპექტებით აგვირგვინებს.